坤記牛腩 (已結業)

今日放工后，同男朋友去又一城睇戏，但又一城消费咁贵，完全唔想喺𠮶度食嘢，识食嘅我哋梗系去九龙城医肚啦！经过侯王道，见到坤记牛腩嘅门面望落唔错，就决定今晚食牛腩。店面光猛，环境干净企理。上汤坑腩筋河($63)贪心嘅我梗系拣双拼啦，一碗试齐牛筋同牛腩。平时食牛腩我最怕黐牙，但坑腩非常腍，牛味亦浓，令我赞不绝口。牛筋嘅口感比较胶质，黏黏稠稠的，亦不错。不过河粉索汤汁索得好快，接个电话，转个头啲汤就无晒啦！唯有问男朋友借汤，所以拣河粉嘅贴士系要食得快啲呢。上汤牛腩伊面($50)男朋友拣咗牛腩伊面，佢话食得出牛腩好新鲜，我问佢借左旧牛腩嚟试吓，发现口感冇牛坑腩咁谂，但的确合格有余。郊外油菜($22)蚝油同腩汁之间，拣咗腩汁，连条菜都入味过人。炸鱼皮($26)好彩系脆卜卜的，大半碗都系被男朋友扫晒落肚。Zero可乐 , 忌廉($12支)仲谂住可能再点款甚么试下，但已经饱到上心口啦，唯有下次再战。