小老板 (太安樓)

营业中

休息中

平时去小老板都系一定系食生煎包，今日咁啱经过见到佢煎紧锅贴，新鲜热辣辣，咁就决定转下食生煎锅贴，好彩，都冇令我失望，一样咁好食。生煎锅贴 $12/3只溅到皮够脆，小心入边有汁，呢个价钱食到呢个质量，性价比超高。上海云吞担担面好足料，有八只云吞，超级多，担担面浓郁嘅花生酱味，少少辣味，够晒开胃。虽然外卖啲面浸淋佐小小，但系面质仍然唔错，如果有得坐低食就好啦。碗仔翅经典街头小食，足料，粉丝、鸡肉、黑木耳、竹笋….最尾加埋麻油同埋醋，完美配搭。街头小食必食烧卖鱼蛋街头小食情意结，每次见亲有呢两样嘢，都买嚟食。