和牛燒肉‧純 (已搬遷) 新店位置

私心推荐，最爱嘅日式和牛烧肉❣️和牛源自JA全农，拥有全日本最靓嘅和牛，每个部位都咁好食🥺点咗特选日本产和牛肉眼拼盘 ($780)、烧野菜拼盘($85)、海鲜煎饼 ($120)、菠萝雪葩🍍($65)、桃雪葩🍑($45)。特选日本产和牛肉眼拼盘唔系最贵/ 顶级嘅set，但比嘅肉一啲都唔马虎，全部都用A4日本和牛。拼盘包括特选日本产和牛肉眼、日本产和牛上牛排肉、日本产和牛牛排肉、牛舌。虽然睇落份量唔系好多，但系食落其实一定够两个人食，小心眼阔肚窄😝牛舌轻轻烧两下，外面刚刚熟就好，咬落去好爽脆。牛排肉油得来但好鲜甜，上牛排肉肉质更柔软，肉味好浓郁，油花比例好平衡，如果配饭食可以食晒成碗饭🥺肉眼都系烧两三下就食得，锁住肉汁。食完肉眼，牛香、油香一直停留系口腔，好幸福嘅感觉❤️可以叫下啲蔬菜，冲淡油腻感。个人最钟意食南瓜同埋番薯😝佢哋嘅海鲜煎饼超好食！海鲜好足料，然后煎饼好弹牙、好chewy😋最后叫埋菠萝雪葩🍍同桃雪葩🍑用返水果本身承载着个雪葩，净系外表都诚意十足！桃味比较清淡啲，菠萝就甜味比较重，食完烧肉之后食返雪葩可以清新返口腔，几唔错嘅选择。