茶木‧台式休閒餐廳 (創紀之城五期(apm))

营业中

休息中

系apm行完街又未到时间食晚饭，记起apm有茶木就黎食下甜品小食顶下肚先。好耐之前就已经食过茶木既蜜糖砖块，今次特登再叫黎回忆下。餐牌上面推荐士多啤梨味，但始终惊会酸所以最后都系叫左最安全既朱古力。应该系即叫即整所以都等左大概15分钟，同印象中相比砖块好似比以前细旧，不过雪糕分量就差唔多。雪糕软硬度啱啱好，不过一度食一度好惊成个野会跌落黎，每用匙羹食一淡都要好小心。食完雪糕开始对砖块下手，最中意食既始终系入眠一粒粒既面包块，吸左朱古力雪糕同酱再加蜜糖好感真系好好食，出面外层既面包就比较硬d同埋少d沾到酱，不过都好食既。至于士多啤梨我就好庆幸最后叫左朱古力味，因为个四粒士多啤梨我已经觉得好酸，不过呢d都系因人而异。最后仲叫左个炸鸡块，足足有两大块，外脆内软都唔错，食完都已经好饱，晚餐应该都可以悭埋。