甘味讚岐手打烏冬 (已結業)

偶然嘅机会入咗元朗， 扫左一轮街之后唔系好肚饿，于是行到咁上下去咗食甘味乌冬。系YoHo town 有好多餐厅， 可能呢间位置比较偏僻，所以到咗食饭时间都未算好多人，一去到就有位， 而且我哋贪佢食啲嘢比较light, 唔使下下都打边炉或者好多肉。今次食咗个滑蛋蟹籽蟹柳乌冬黎到嘅时候汤唔算好多，不过就真系有好多滑蛋同洋葱！ 中间仲有一大堆蟹子， 初时以为蟹柳即系平时食开𠮶啲鳕场蟹棒 ， 点知原来唔系，系日式蟹柳嚟嘅， 同佢张相有啲出入，不过味道都好好， 而且比平时食嘅蟹棒更加有饱肚感同后感， 配搭埋脆卜卜嘅蟹子，感觉好有趣！ 唯一美中不足嘅系个鲣鱼汤底比较清，好似冇乜味。