紅磡冰室 (已結業)

初初开𠮶阵成日都要排队...依家直入就有位.. 两个人坐卡位都唔洗搭枱...好耐无帮衬.. 今日叫返我黎到必叫既常餐...猪扒汤公仔面... 炒蛋蒜蓉包... 热奶茶...炒蛋蒜蓉包炒蛋好滑.. 不过今次食好似散散哋...个味都系偏淡... 所以要落啲盐吊吓味...蒜蓉包两边都有涂上蒜蓉...因为系较厚既面包... 所以唔会焗到脆卜卜..但系有外边少少脆... 个包仲有软熟...猪扒汤公仔面本身个餐系捞公仔面既... 不过试过一次之后觉得好干... 所以转食汤上...猪扒够味... 应该系扑粉煎.. 所以有啲脆脆哋...虽然唔系好厚.. 但系味感都好好... 唔会干到靭...热奶茶好似无左之前咁好饮... 不过不失...胜在够热...除左常餐之外... 当然有下午茶供应喇...不过放假瞓到咁晏... 起身既第一餐.. 梗系要食多啲喇...