牛涮鍋 (已搬遷) 新店位置

牛涮锅我已经唔系第一次食呢间餐厅，但食左好多次都未厌呀，所以今日午餐再去疯狂食牛肉。因为有订位所以企一阵已经有位坐，当然坐底就叫我最中意既澳洲靓和牛啦，我朋友仔就叫左海鲜试一试。海鲜就咁睇都知新鲜，有光泽，冇腥未，简单滚一滚，唔洗点调味料都好鲜甜，特别系个虾非常弹牙。跟住就系澳洲和牛，脂肪比例就系最好，脂肪纹分布平均，加上牛肉厚薄啱啱好，放入汤度滚一滚就食得。放入口度立即有强烈既牛肉香味，油脂溶喺口里面，牛肉非常嫩滑，唔会有鞋同有渣既感觉。中意打边炉又中意食牛肉一定要试。