通達食店

营业中

休息中

街头小食进驻食店，系我地呢D钟意扫街嘅为食鬼福音凉住冷气食鱼蛋、煎酿三宝真系好过引㗎，最正系早、午、晚任何时候，肚饿又好，口痕又好，随时随地都可以自由配搭。花园街呢间通达食店，由朝旺到晚，主打食物亦不用多说，正因太旺，往往背脊顶背脊，眼见女士们要抱住个包包、男士亦要揽住个背囊，如此挤迫都要食，证明出品一定靠得住。肠粉热辣辣、麻酱甜䜴油都有料到、甜酱自己加，好味指数达标今日特别要开post 讲这个韮菜煎饺，皮厚唔在讲，明显系食物冇流通放耐了，翻炸再上枱，咬了一口成牒都放弃了，内心唔舒服系浪费，咁旺嘅场，店员怎会在意点解个客咁嘥，但奉劝各位为食猫，为食都要识拣食。