EIGHT GRAND Bar & Restaurant (已結業)

三个人去希愼揾地方午餐，间间都要等位，见呢间有吉枱，于是入去order 咗三个set lunch。等咗5分钟，竟然餐饮先到！倒转晒！过10分钟沙律餐汤到埋。碟沙律一个字形容“少”，求其几块菜叶捞两下就上枱。再过15分钟终于先来一个主菜，碟三文鱼扁意粉（dill sauce salmon linguini) 一摆落枱，大家都不相信眼前是在铜锣湾一级商场餐厅会有如此样衰的一碟意粉，大家不约而同拿出手机影低呢碟极品。  本着唔好浪费食物的心态，样衰照食，由于份量少得可怜，件三文鱼比尽得一両重而且有啲腥，唔驶三分钟食完，件鱼有腥味之外重有点“鞋”，意粉酱汁毫无味道，一㸃刁草味都无，得个”杰”字。卖相睇相就知，好似隔离枱食剰或者跌过落地𢴇番上嚟咁！意粉忽忽食完又再过十分钟，另两个main course都未见踪影，追问侍应，推说厨房忙，但餐厅都唔满，无理由。见势色不对，恐怕再等下去会再次失望，于是立即止蚀埋单，跑过对面何鸿记食埋个午饭。