影片
更多
2023-03-31
1007 浏览
潮牛腩今日中午嚟到湾仔食一间叫「潮牛腩」，虽然门口有一级，但唔洗等位可以即放斜板即入去，店员帮安排我坐单丁望墙位。餐厅入面算宽，有足够空间比轮椅人士喺入面转弯，冷气同光线好充足，好彩早入座，早点野食，一点完门口就开始打仗，多人排队拎外卖同等位，呢间最出名系汤底，每日系用几十斤牛骨熬制18小时，汤底完全无加味精，咁出名当然要试下啦！1.咖哩爽腩饭$110+夏枯草500ml $10（跟餐优惠）（8/10）呢个咖哩爽腩饭入面有6旧爽腩，不过大多数系牛筋，有2-3旧系半筋半腩，牛筋好软淋，劲大旧劲弹，好多骨胶原，咖哩算小辣，捞埋饭食一流！饮品就拣咗枝装夏枯草，跟餐只系加$10，算平！2.清汤牛坑腩饭$108+冻柠茶$8（跟餐优惠）（9/10）呢个清汤牛坑腩饭入面有6旧牛坑腩，拣清汤反而食到牛味好浓，牛坑腩好淋，仲有3大旧白萝卜，3旧都好鬼甜又无渣，牛骨汤底好清甜，好好饮！饮品就拣咗冻柠茶，跟餐只系加$8，算平！3.炸鱼皮+牛骨汤$28（9/10）呢碗炸鱼皮份量超多，大约有15旧，有几旧大到有成人手掌咁大，鱼皮炸得好薄脆，仲附送一碗牛骨汤比食客点嚟食，呢碗汤原来清汤牛坑腩饭个汤系一样，只不过系加
今日中午嚟到湾仔食一间叫「潮牛腩」，虽然门口有一级，但唔洗等位可以即放斜板即入去，店员帮安排我坐单丁望墙位。
餐厅入面算宽，有足够空间比轮椅人士喺入面转弯，冷气同光线好充足，好彩早入座，早点野食，一点完门口就开始打仗，多人排队拎外卖同等位，呢间最出名系汤底，每日系用几十斤牛骨熬制18小时，汤底完全无加味精，咁出名当然要试下啦！
1.咖哩爽腩饭$110+夏枯草500ml $10（跟餐优惠）（8/10）
呢个咖哩爽腩饭入面有6旧爽腩，不过大多数系牛筋，有2-3旧系半筋半腩，牛筋好软淋，劲大旧劲弹，好多骨胶原，咖哩算小辣，捞埋饭食一流！
饮品就拣咗枝装夏枯草，跟餐只系加$10，算平！
2.清汤牛坑腩饭$108+冻柠茶$8（跟餐优惠）（9/10）
呢个清汤牛坑腩饭入面有6旧牛坑腩，拣清汤反而食到牛味好浓，牛坑腩好淋，仲有3大旧白萝卜，3旧都好鬼甜又无渣，牛骨汤底好清甜，好好饮！
饮品就拣咗冻柠茶，跟餐只系加$8，算平！
3.炸鱼皮+牛骨汤$28（9/10）
呢碗炸鱼皮份量超多，大约有15旧，有几旧大到有成人手掌咁大，鱼皮炸得好薄脆，仲附送一碗牛骨汤比食客点嚟食，呢碗汤原来清汤牛坑腩饭个汤系一样，只不过系加葱同白萝卜，所以就以为唔一样，反而我钟意饮无葱无白萝卜嘅牛骨汤，我觉得原汁原味先最好饮！
2人总共价钱$264
个人口味总评分：8.66/10
地址：湾仔谢斐道307-311号快添大厦地下2号舖
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#潮牛腩 #湾仔美食 #牛腩 #牛坑腩 #相机食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
