泰國素食

营业中

休息中

泰国素食应该系香港最正宗嘅泰式素食餐厅，虽然位置唔太方便，但我觉得值得一去，我食完都想再encore。餐厅座位设系一条长走廊到，全部都系四人枱，餐厅门口位置有卖素食嘅泰式酱料同面条。⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀鲜春卷 ($48)鲜春卷配有辣酱同类似糖浆嘅黑色酱汁。春卷本身食落有淡淡嘅柚子味，入面包咗粉丝、素鱼片、甘笋、生菜…。不过我觉得𠮶皮韧咗少少，唔知系咪佢本身嘅质地系咁。⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀泰式香草饼 ($70)原本我以为系同香春薄饼差唔多样，点知原来唔系。佢炸到外皮好脆，皮入面应该系豆腐，食到腐竹嘅味道。⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀扎肉汤粉 + 洛神花茶 ($50)我冇谂过扎肉汤粉嘅配料可以咁丰富，有炸云吞 (我觉得几有惊喜)、豆腐、白萝卜、炸腐皮...。因为炸云吞只系浸咗一半，所以云吞嘅上半部分仍然保持脆口，云吞入面主要包住椰菜。汤底带有少少酸味，同埋罗勒叶嘅香味，好有泰式感觉。面底滑身、爽口。