RBTea (已搬遷) 新店位置

呢排咁兴啲黑糖嘅饮品，终于比我揾到个地方，又唔使排劲耐队。而且仲有冷气，有位坐，可以坐住叹既啦。呢间Cafe位于铜锣湾，一去到已经见到个装修好靓，环境好relax。咁就一于同朋友一人叫一杯黑糖嘅饮品啦，见到佢有个set系两杯黑糖饮品再加个小食拼盘，好似好抵㖞，咁就一于叫呢个试吓先。我呢杯系黑糖布甸鲜奶，饮落个味好特别啊，又唔会太甜，而且饮落啲布甸好滑，同啲奶茶好夹。我朋友呢杯就系最近好兴嘅黑糖珍珠鲜奶，试咗一啖之后觉得都好好味，仲好味过出面排好耐队果d呀。呢个小食拼盘都都好正呀，全部都系新鲜炸起嘅。我最钟意就系啲炸鸡，因为个调味啱啱好，而且外脆内嫩。呢款肠都好好味，而薯条就系番薯条，甜甜地好开胃。呢间Cafe环境又好，而且嘢食又好味，揾日都要上嚟试吓晚餐先。