港澳義順牛奶公司 (已結業)

早2日同朋友3个系旺角附近行完街，就慢慢散步过尖沙咀顺便可以撘渡海小轮过湾仔。经过见到义顺记，我朋友就立即拉我入去食炖奶，顺便休息下。首先我地叫左碗冻姜汁炖奶，炖奶口感幼滑，姜味浓郁，入口有少少辣姜味，炖奶唔会太老，冻食亦不奇怪。另一位朋友叫左碗冻朱古力炖奶，同姜汁炖奶不同，餐厅会用玻璃碗装，望到朱古力色嘅炖奶，已经流晒口水。果然如我哋所料，炖奶质感柔滑，入口有淡淡朱古力甜味，但唔会太甜所以食落亦都唔会好快唔想食。我就叫咗碗冻咖啡炖奶，因为自己钟意饮奶茶咖啡，所以见到餐牌上有咖啡炖奶，就即刻忍唔住叫一碗嚟试吓。同朱古力炖奶一样，餐厅会用玻璃碗装起，颜色上会比朱古力炖奶淡，闻落有淡淡咖啡味，食落嘅咖啡味都浓郁，朋友话有啲苦，但饮开咖啡奶茶嘅我就觉得味道十分之浓郁，钟意饮咖啡嘅人士必定一试！