翠華冰廳 (已結業)

几个礼拜前经过荃湾广场，知道咗会开翠华冰厅，所以我都好期待想去试吓，前几日我终于同朋友去咗试吓食呢间冰厅。由于系啱啱新开嘅关系，所以环境都好企理好干净，而且亦都唔系有太多人，所以我哋坐得好舒服。由门口行入嚟，已经见到有好多面包同埋蛋挞。由于卖相好吸引，所以我哋都忍唔住叫咗两只蛋挞嚟食。佢哋嘅蛋挞嘅皮系酥皮嚟嘅，我系比较钟意食酥皮多个曲奇皮，因为比较松化，佢呢个蛋挞都整得好松化，而且蛋香味好浓，又够滑。我仲叫咗个火腿啖啖滑蛋治，已经帮我地切开咗做4份，分量亦都好足料，滑蛋好滑加埋啲火腿味道咸咸地，味道好配合。