你妳 (運通洋樓) (已結業)

以前经常去路德围食嘢，旧友相聚又去附近揾食，见台湾嘢大家都钟意食，就唔驶周围腾啦~店内几骨致，干净企理又光猛。台湾牛肉汤面$68，朋友话面质弹牙，夹埋酸菜好好食㖞。烫青菜(卤肉汁) $28青菜系新鲜生菜嚟，配埋卤肉汁味道啱啱好。台南鲜虾卷$45虾卷即叫即炸热辣辣，表面微脆，咬落有弹感，有虾味，醮辣汁食更有风味。卤水三层控肉(大卤肉饭)$65加半只溏心蛋配酸菜，酸菜好食又开胃，溏心蛋又滑又香。卤肉汁捞饭好味，肉粒拌有豆卜丝几特别，三层肉肥瘦分明，送饭唔错。仙草4号$46 加红豆$6除咗仙草仲有三色芋圆、珍珠 、荔枝爆珠，最钟意软滑仙草加上芋圆嘅烟韧口感，仲有不同程度烟韧嘅黑白珍珠，同埋荔枝爆珠嘅爆破感觉，好正！跟餐加$10叫咗杯仙草冻奶茶，真系好钟意仙草 ~ Yummy友人嘅炭培乌龙珍珠奶茶，佢话好饮。