港澳義順牛奶公司

营业中

休息中

义顺牛奶公司(铜锣湾骆克道店)地址： 香港岛 铜锣湾骆克道506号(近地铁站C出口)平时好少嚟呢度食野，有朋友嚟香港就带佢嚟试下。一入到去基本上台台都系游客，好多人所以都要搭台，由于系假日，等位等左好耐下，有得搭台都算唔错啦。环境方面：餐厅系茶餐厅feel，唔算太干净，可能假日人多，觉得都几嘈下。由于我同fd都想试多个味，所以点左红豆双皮奶、朱古力双皮奶同姜撞奶。红豆双皮奶：红豆够足料，粒粒饱满，好有豆香味，奶味浓，口感嫩滑，加左红豆嘅双皮奶冇咁清淡，口感好好，但我觉得甜左D，奶味俾红豆抢左少少，因为我fd钟意甜D嘅，所以佢就觉得刚刚好。朱古力双皮奶：朱古力炖奶有点水哒哒甘，最上层有薄薄的朱古力粉，但一D都唔觉得苦，钟意食朱克力嘅必点，由于我唔系好中意太甜同朱古力味，所以觉得一般，但我fd超中意哩个，佢话甜而不腻。姜撞奶：颜色比双皮奶偏黄。口感较双皮奶稀左D，但胜在姜味浓，甜度适中，超钟意佢嘅姜味，食完都唔见有姜渣，但奶味就寡淡左D，浓返D就好啦，但都算系好正。不过接受唔到姜味嘅朋友就无点哩个啦。我朋友就接受唔到。总体嚟讲，我觉得价钱贵左少少，份量少左D，但双皮奶真系正，都算值啦。