奈良上釜 (已結業)

呢排忽然间产生一种好钟意食饭嘅感觉，好想餐餐都食饭嘅感觉，但系平时我就一啲都唔钟意食饭，好钟意食汤类嘅产品唔。知系咪因为去完日本之后好钟意食佢啲饭，所以想餐餐食呢。香港主题以日本饭为主嘅地方唔多，所以今次就嚟咗呢一间专系食日本釜饭嘅地方试一试。套餐中除左饭之外仲有蒸蛋，鱼生，渍物等等。唔同嘅饭配唔同的前菜。蟹盛系刚推出不久的产品， 前菜会有长脚蟹冷盘，天妇罗，面豉汤，蒸蛋。蟹脚肉好窝心的开了壳，只要笃一笃肉就出。终于到主角饭出现啦，佢啲蟹肉全部已经挑唒出嚟，份量非常之多，再加埋浓浓味道嘅蟹膏，同埋有口感嘅蟹籽粒粒，沟埋感觉好鲜，再加埋日本米嘅弹牙，配合简直系一绝。另外就叫左一个三色釜饭，有鳗鱼，生蚝，大虾。呢一个好虾好大只，鳗鱼有两件，唔系经过烧，应该系蒸，口感完全唔同。生蚝就好鲜甜肥美。吃到尾嘅时候，仲会有饭焦。虽然唔同中式煲仔饭嘅饭蕉，但系硬硬脆脆甘，几特别。