阿爺粥品手工涮涮鍋 (已結業)

又系打边炉之夜！粥底火锅一直系我嘅最爱，因为加左米嘅水会有淀粉，d食物系煮嘅过程中就会更加滑！入到嚟，一共有三种套餐可以拣，每种套餐主要都系海鲜，同埋会有牛肉。我地拣果个套餐有蟹，鱼，鲍鱼，蚌，虾，蚬，同埋牛，好丰盛！d海鲜全部都好新鲜，我最钟意食嘅就系鱼同埋蚌，味道好鲜甜～当然，作为一个肉食性动物，我最钟意嘅梗系d牛肉啦～ 个人食过好多间同类餐厅嘅牛，依度嘅品质都算好唔错！肥瘦适中，牛香味好重，最紧要系唔好唔记得自己摆左佢落煲，一转色就要夹起佢㗎啦，唔系嘅话就会煮到老晒～除左套餐里面配嘅主菜，我地系可以无限refill其它小菜㗎，好抵！对于我嚟讲，当然唔少得响铃。不得不提，依度嘅响铃简直系巨型，上果下都吓左一跳lol 不过因为真系好大，所以食落会好有满足感～除左响铃，我地仲嗌左鲮鱼球，猪腰，油麦菜，同滑鸡～ 全部嘅品质都唔错～其实粥底火锅嘅精髓就系食完所有食物，d味滚晒落个粥底之后再是d粥，会好香好浓好鲜甜！间店仲好贴心咁俾左有味嘅生菜叶俾我地最后摆落去一齐食，好似生滚粥咁，正！依度嘅饮品都几特别，我依杯系乳酸忌廉沙冰，好大杯!