西餐大排檔 (已結業)

两公婆都要揾时间拍下拖嘅，今日老公话带我去大排档食嘢。佢话大排档老板Eddy Chu系(厨界浪子)， 喺尖沙咀已有另外一间餐厅Chef Stage。呢间非一般大排档系渣旬中心7楼。 一出䢂，见到长长怀旧风黑白照片，照片下面真系放有以前大排档嘅长凳。入餐厅前，有个好抢眼会转色嘅西餐大排档招牌。里面装修简单单，令人有很舒服放松的感觉。 一人叫咗一个set lunch, 加$55叫咗一个海鲜拼盘， 全部海鲜够新鲜， 有生蚝， 鲍鱼， 日本带子配味噌汁，鲜虾， 鲜蚬， 超级抵吃 最特别青绿色嘅source， 酸酸地， 好清新!是日餐汤同蒜蓉多士西餐厅唔系饮忌廉汤， 系饮青红萝卜汤 ，但系我钟意㖞 滚热辣 ， 啲料切到细细粒 ，非常清甜。 跟一般茶餐厅𠮶款味精例汤相差十万九千里。 蒜蓉包香脆， 蒜蓉味浓郁。 驰名西班牙橡果级别黑毛猪 切出嚟嘅肉仲系粉红色， 系黑毛猪才可以这样做， 肉质嫩滑， 上面一层薄薄嘅肥膏， 连平日不爱吃肥的我都觉得非常甘香可口，一口一口，不停吃下去。老公拣咗个纽西兰羊鞍， 叫咗7成熟，也绝不逊色， 肉质够滑 ，少少羊膻味，配上惹味sauce, 又一佳作佢哋盛放汤同埋成食物