桜

营业中

休息中

终于系元朗开外卖寿司店啦，唔洗再岀到葵芳先有得食。地理位置又好，系又新街行完街饿饿地去隔离就有得食。𣎴得不赞嘅系佢款式好多，样样都好靓咁，真系好难拣😂😂而且所有材料都好新鲜。佢嘅蟹将军丼用料好足，有好多𩠌包括一大只好厚肉嘅软壳蟹同蟹柳，仲有一堆蟹籽。饭量都唔小，女仔食会有剩，而饭上面仲伴有一堆蟹柳丝。软壳蟹系即叫即炸，冇雪味，炸到岀嚟冇油腻腻嘅感觉，而铺系底嘅饭亦都冇吸到油。价格仲要好亲民，只系五十几蚊。质素仲要咁好，性价比极高！🤤另外仲叫左个三文鱼籽海胆手卷，海胆真系大大片🤤🤤唔苦仲有阵甜味，三文鱼籽又够多😬食到底仲有料。平日真系最怕啲手卷得个面有𩠌，食到下面得翻啲饭😂但佢又唔会，真系又抵又好食。呢度仲竟然有椰子波波卖🙈唔洗岀到九龙城就有得饮❤仲要只卖25蚊就有大大个椰子波波，多水又好饮，2个人share都得。