彩晶軒 (已結業)

好友生日, 想饮茶, 就特登出去佢公司附近的彩晶轩揾埋位等佢放工.自从爱上左v cuisine之后, 对"好彩"集团的酒楼都有了好感.以前总觉得老字号的酒楼一定系乌烟瘴气, 又残又旧,去过v cuisine之后, 先发现老字号搞革新, 其实比其他新字号更有保证.早排去过的彩云轩无令小妹失望, 今次呢间彩晶轩亦一样.华丽的装修外, 食品卖相极有心思, 味道亦十分好, 就是传说中的"色香味俱全"~今日只一行四人, 全部女生, 所以叫的食物唔多, 亦唔系heavy类.点了前几篇食评有食家介绍过的冬瓜盅. 每人1碗, 份量刚好.点了到彩晶轩不得不吃的怀旧马拉糕, 同芝麻卷(甜点). 呢d怀旧食品, 好多新开的酒楼食肆已经揾唔到, 仲要好食就更难.虽然街边/ 街市有时都会揾到呢种黑色的芝麻卷, 但总觉得已经尘封万年, 唔敢买.另外值得一赞的是卤水猪仔脚同卤水豆腐, 入味得黎唔会喊, 而且嫩滑, 两者都系小妹的推介.p.s. 有2小时免费泊车, very good~最后一提系佢的装修的确好靓, 服务亦好.大堂的红花墙纸拚英式梳化, 好特别.如果有fd结婚, 我一定会介绍彩晶轩比佢~~~