陳六記飯店

营业中

休息中

去上水陈六记当然系为咗佢嘅怀旧菜啦。六大招牌菜今晚叫了两样，始终得2个人食唔到咁多样野。铁板酿鲮鱼系必叫的，因为呢D功夫懐旧菜衣家出面好少地方食得到，另一样就要喺炭烧五层楼同鬼马焗鱼肠二选一，最后拣咗邪恶D嘅焗鱼肠。铁板酿鲮鱼好似西餐厅食铁板餐咁喺你面前淋汁，啫啫声好鬼正。搅碎鲮鱼肉酿返入鲮鱼身入面再炸，D功夫多到呢。鬼马焗鱼肠味道唔鯹，不过就食唔到一旧旧嘅油炸鬼，同埋入面比较湿，还可以啦。另外仲叫咗个金银蛋菠菜，不过D菠菜似乎唔系好靓。