屋子 (已結業)

今日晏昼终于去到依间充满日式风味既cafe「屋子」食野，每次经过都俾佢既日系装修吸引左，门口果几张枱仲有tatami坐。Set lunch既选择都几多元化，而今次我就拣左「鳗鱼综合茶泡丼」配「西柚冰茶」。先讲「西柚冰茶」，饮落个感觉都几refreshing，饮落又唔会太酸，酸酸甜甜几开胃，最正既系饮到最后会有好多西柚肉食👍🏻至于「鳗鱼综合茶泡丼」，原本都有挣扎过叫唔叫依个set好，因为好多时香港食到既鳗鱼口感都似系超级市场食到果种质感，会惊肉质太淋同太多骨，但依个set既鳗鱼口感够实口得黎又唔会太干身。依食饭都有啲似系日本食到既鳗鱼三食，有紫菜，有wasabi，有泡茶做汤，仲有啲脆米。因为自己中意啲饭比较干身既关系，所以每次都系倒少少茶汤落去一齐食，捞埋鳗鱼既烧汁香味同紫菜，觉得下次再去会再叫👍🏻甜品就叫左「白玉焙茶戚风」，卖相固然之吸引，味道同卖相都系成正比既，蛋糕够松软，焙茶味都几突出，加埋白玉烟烟韧韧既口感有啲似食紧最近几hit既麻糬蛋糕。个人评分（满分为5）味道：😉😉😉😉环境：😉😉😉😉😉员工友善度：😉😉😉😉CP值：😉😉😉😉