友利坊 x 友利冰室 x 勿當奴 (已結業)

食烧味同饮炖汤嘅最佳选择，首推友利冰室 X 勿当奴。今次嚟到，感觉地方干净企理咗，人手充裕咗，服务好咗，值得一赞。试咗新出嘅即烧爆谷烧鹅，好好食，烧鹅啖啖肉，皮脆肉嫰够 juicy，酸梅酱加入香气浓郁嘅爆谷味糖浆，味道稍为偏甜，其实 gimmick 居多，都系原味酸梅酱较 match。炖汤就更加唔使讲，一贯高质，我拣嘅花胶螺头炖鸡，一大盅汤入面有齐三款汤渣，份量仲唔少，绝对性价比高。请店员送来酱油，边饮汤边蘸汤渣食，大满足。