西香記 (已結業)

又系西环街坊出动嘅时候喇，今个星期日同妈妈去咗西环呢一间西香记，打算试一试佢嘅肉夹馍！因为本身我同妈妈都唔系太食辣野，所以我哋都考虑左好耐究竟去唔去好。我哋黎到嘅时候望望餐厅外边嘅餐牌，原来佢哋即使系食陕西菜，佢哋都有唔辣嘅食物供应呢～咁我地就入去了决定~~ 一入到餐厅侍应就带咗一张外卖纸俾我哋，佢地食物的选择其实不多，主要有手工面，肉夹馍凉皮同埋小食供应。我哋嚟到嘅时候系下午茶时间，所以人唔算太多，我同妈妈叫咗一碗牛肉面(唔辣嘅)，金牌肉夹馍一份以及凉拌青瓜过咗大概10分钟成份套餐就已经上场，先讲讲牛肉面，佢嘅汤底好香好清唔系好大味精味，面质好幼身食落觉得好烟韧，而且牛肉亦都好稔身但美中不足嘅系佢嘅份量好似比较少，如果系一个大男生嘅话可能就唔够饱啦！至于金牌肉夹馍，肉嘅份量几多，但个夹馍就比较有啲硬身，可能系因为我影相认得太耐吧hahah!凉拌青瓜有一点点嘅辣油但系在今日突然转冷既天气就更令人开胃!! 总括而言以佢嘅食物有水准~ 但份量来讲唔算大份，但如果系以下午茶计，女生们份量就会刚刚好，大食嘅男士要注意喇～