潮庭 (新城市廣場) (已結業)

女儿想食脆面，于是明知周日一定系劲多人，为博红颜一笑，都尽管杀去沙田新城市广场的潮庭。果然去到要等五十几张枱。好彩我哋够经验，估到好多人攞咗飞都未必等，一于死守。半个钟后，终于有位。由于桌子摆得好密，我哋都要收腹挺胸先入到我哋张枱。点咗菜后等咗好耐先上一道椒盐九肚鱼。份量唔多，但炸得外脆内嫩，儿子最爱，一人对咗5件😅。食完呢道菜又等咗十分钟先上凉瓜排骨煲，入面竟然有猪肚，正😋。不过凉瓜焖得唔够腍，亦唔系好入味。鲜虾肠粉，烧卖，虾饺都中规中矩，不过不失。炒饭出色，饭很干身而且粒粒分明，榄菜唔太多，所以唔会太咸。香脆面当然系最爱，面的上面果阵煎到爽脆，但下面的面又能做到很腍和弹牙，点砂糖食最正😋