池記 (已結業)

今日夜晚去朗豪坊池记既食咗碗细云吞面，云吞面系香港嘅特色之一，亦系我成日唔想食太饱嘅时候会食嘅食物，不过云吞面好参差，一个唔小心就可能会中伏！食云吞面，第一时间就要睇佢云吞系底定系喺面！池记将啲云吞摆系底面，就会令到啲云吞浸晒啲汤里面，可以令到云吞个味道更加保持得耐！一碗云吞面得四粒实在太少了！但一咬落去云吞，成个都系一粒又大又爽的虾肉，而云吞可以一大啖啱啱食完，都算小满足！ 成个云吞面唔会有碱水味，而且仲有少少虾子味，个味好香！我最钟意就系佢嘅XO酱，XO酱里面啖啖都系瑶柱丝，直头想成啖摆落口！加落去面度，唔会太辣，反而令到同碗面好夹！ 越简单嘅食物，就越容易俾人忽视，煮得好味就越难！呢度果然冇令我失望，放系商场入边嘅，开咗咁多分店，都做保持水准。