海底撈火鍋 (海之戀商場)

营业中

休息中

话说呢日去荃湾西工作，五点几收工揾嘢食，去到海之恋商场，见到海底捞，都有一排冇食过啰，于是食个 Early Dinner。除咗肥牛、羊肉卷、滑牛、莴笋之外，最钟意食嘅就系鹅肠，好爽！另外仲有鱼柳，非常滑溜！呢两样都系要 Encore 嘅，至于牛柏叶同鸭血就麻麻，唔点都冇坏。整体嚟讲食物味道就 OK 啦，同其他国内火㶽品牌相比，系就系争少少，不过食得海底捞都知，最重要系食得开心，之前食过好几次，生日又有人唱歌送礼物，又有人表演拉面，一个人去食又会俾个大公仔陪你，系几贴心嘅，今次我哋五点几嚟食，呢个时间冇乜人，朋友今次终于可以整到指甲，正！