晴の居酒屋 (裝修中)

母亲节前一晚带妈咪出街食饭。阿妈话要食得清淡啲所以就拣佐食日本菜。 大部分出名嘅日本餐厅都已经full booking ，净低啲又多差评。头痕之际就见到呢间佐敦隠世居酒屋，冇乜评价，睇食物卖相唔错价钱又中低价，可能系新开位置有啲偏僻先咁少人食。 见餐厅环境相以简约日式设计，墙上贴满我童年中意嘅动漫同一大幅富士山相，已经吸引到我了。 于是就试下呢间啦。入到去见冇乜人得我同另一张枱。对于呢啲大时大节都咁淡市我有啲担心中伏。不过上菜之后就唔担心了，因为要就住阿妈食物都清淡为主，食物都唔错食材好新鲜，店员好友善服务又周到。 阿妈成餐饭都好满意不过有啲后悔冇试厨师推介。下次会帮衬试埋其他嘢食。