斗來香 (已結業)

今晚屋企冇人，最啱当然成班朋友上嚟打机。话说去到9点几突然有两位朋友话想食甜品，最近真系只谂到东大街，所以我哋就落咗去楼下睇下有冇咩食。估唔到楼下间斗来香仲未收铺，而且选择仲有好多，鱼蛋烧卖，简单甜品基本上都有，另外连肠粉粢饭黄糖糕白糖糕，就连我细个最钟意食嘅砵仔糕都有我哋今次七个人都只系用咗$120左右，即刻买上楼食，唔可以浪费打机的一分一秒。而食物质素方面都唔算太差。个砵仔糕好多豆，非常喜欢。估唔到夜妈妈都可以揾到童年回忆呀！