影片
更多
2017-04-15
354 浏览
之前行过葵芳呢个商场见到一间好奇特嘅店铺，系一间电梯底下面嘅拉面店，特别在于好迫但系出面又有好多人等位。呢间又系日本开过嚟嘅拉面店，香港人见到日本过嚟开嘅店都总系会凑热闹去试，既然咁多人排队，试下都无坏嘅！平日嘅8点几嚟到都仲有一条小小嘅人龙，大约等左3个字左右就有位。排紧队嘅时候侍应已经俾定餐牌同order纸俾人落定单先。叫左俺流男盛拉面、黑蒜熟成浓汤拉面同埋柚子椰菜。柚子椰菜我觉得咸左少少，叫碟菜都系想清番d调味料可以轻手少少。俺流盛男拉面除左叉烧同蛋之外仲加左两件炸鸡。我谂因为系增量版所以预左系俾男人食挂，待应问都无问就摆低俾男人 =.=但系其实系我叫嘅。汤底比起黑蒜油浓汤拉面清，面质我拣左普通，食到尾就觉得太淋。至于旧炸鸡，我觉得唔放入面度可能会好少少。炸鸡上枱嘅时候已经浸左一半淋晒喇！黑蒜油汤底比较浓，我自己就钟意淡味d，所以我钟意盛男拉面个汤底多d！虽然拉面味道都过得去，不过呢度嘅座位真系好迫下。最差嘅位系之前有食家坐过近扶手电梯附近嘅位，一开始本来都系安排我坐呢个位，真系名符其实嘅握手位。最后见到一张大枱有位要搭枱都即刻涉过去啦。呢个价位嘅拉面，我谂个位其实可以唔洗咁迫.
叫左俺流男盛拉面、黑蒜熟成浓汤拉面同埋柚子椰菜。
柚子椰菜我觉得咸左少少，叫碟菜都系想清番d调味料可以轻手少少。
俺流盛男拉面除左叉烧同蛋之外仲加左两件炸鸡。我谂因为系增量版所以预左系俾男人食挂，待应问都无问就摆低俾男人 =.=但系其实系我叫嘅。汤底比起黑蒜油浓汤拉面清，面质我拣左普通，食到尾就觉得太淋。至于旧炸鸡，我觉得唔放入面度可能会好少少。炸鸡上枱嘅时候已经浸左一半淋晒喇！
俺流男盛拉面
$88
30 浏览
0 赞好
0 留言
黑蒜熟成浓汤拉面
$72
17 浏览
0 赞好
0 留言
最后见到一张大枱有位要搭枱都即刻涉过去啦。呢个价位嘅拉面，我谂个位其实可以唔洗咁迫...
张贴
