極尚大瀛喜日本料理

营业中

休息中

由于我身边嘅朋友都非常钟意食日本嘢，但系又经常大家都系选择困难症，咩都想食吓咩都想试吓！单点嘅嘢食完全满足唔到我哋！所以今次带佢去观塘嘅日本放题专门店！除咗大吃大喝！仲倾吓有啲咩可以合作一下！今次我拣咗一啲刺身质素高嘅餐厅！迎合下我呢个朋友好钟意食刺身嘅需要！包括唔系间间有嘅池鱼刺身、同埋水母刺身、另外真系估唔到呢度象拔蚌都有真系好正！除咗有基本嘅饮品好多种类选择之外呢度仲有中式嘅汤水都可以任饮！平时冇时间煲汤嘅你呢度可以饮到饱都得！再加上呢度出面有好多冷盘嘅小食包括海鲜!有冻青口冻虾仲有酱汁俾大家点！我最钟意食一定系泡椒鱼皮估唔到呢度都有真系好正好开胃！另外呢度我最欣赏就系甜品区同埋水果区！水果区除咗一啲都唔Hea你之外，种类都好多当然哈密瓜同西瓜就一定唔可以错过啦！呢度甜品有十几20种雪糕雪条又系任食！讲到最后佢自己嘅单点小食都系非常之好食㗎！我最惊喜嘅就系铁板牛舌,同埋呢度嘅避风塘炒鱿鱼、当然佢嘅榴梿乐园椰皇布甸就更加唔可以错过一定系王牌啦！呢间放题位于观塘亚太中心嘅5楼全层记得要早啲预约啊都几full几多客㗎！店舖名叫观塘极尚大瀛喜日本料理专门店！