十二味 (LADDER Dundas) (已結業)

午餐黎食，发现呢度嘅嘢食唔算贵，一个普通嘅午餐，大约60几蚊，而且午餐免+1 ，我自己食咗个酸菜肥牛肉面，份量比我想像中大，一碗应该可以够两个人食，再加埋其他前菜，例如酸辣木耳，就非常惹味。佢嘅面条🍝非常粗，亦都好有口感，配埋一个非常浓烈的酸菜汤，成碗面就好开胃，而且肥牛份量亦都好多，可以边食面边食肥牛，绝对唔惊唔够肥牛食，好好。饮品方面我叫咗个蜜瓜牛奶，虽然佢嘅蜜瓜唔系鲜榨，但作为一个夏天饮品，绝对非常解渴同埋透心凉。之后我再叫咗个甜品，红糖糍粑，糍粑软绵绵，而且一大堆红糖在表面，好甜好好食。最后我在叫咗个桂花冰酿，亦都系我食川菜嘅新尝试，起初我仲以为系好浓烈嘅白酒，但原来系非常清新嘅桂花味要配上香甜米酒，只有甜味，没有酒味，令我饮得好𣈱快。