上海坊

营业中

休息中

上海坊近屋企，所以其实都食过好多次。我最钟意食嘅就系佢嘅担担面，担担面嘅汤底容易就决定佢好唔好食，而上海坊嘅担担面汤底非常浓郁，重花生酱味，令人回味无穷，不过因为花生酱比较济，所以通常一个担担面我会同人一齐分，再嗌其他小食。担担面总会有一个𩠌可以跟，我每次都会叫西柠鸡，西柠鸡嘅酱汁恰到好处，酸甜开胃，鸡翼都会炸到金黄香脆，肉质好滑。小食就嗌咗小笼包，一笼小笼包有四只，非常多肉汁，一咬啲汁爆晒出嚟。跟住又嗌咗炸馒头，炸馒头，外脆内软，馒头质地唔会好实令到成个口感提升。成餐饭加埋豆浆都系$120有找，非常抵食。