叉燒大王

营业中

休息中

2年前食过印象好好冇问题既，咁今日接阿女放学，咁耐冇去食过就去帮衬吓啦，但今日同阿女去食真系差咗好多好唔掂。我叫烧肉油鸡饭，烧肉皮唔脆仲要好靭既，唔好话口感差连咸味都无，好似食紧纸皮咁，仲有烧肉下面层肥猪肉啲肥膏多过肉，啲肉有蟹有冇汁，油鸡又冇乜肉又瘦又干身又冇油，肉仲要好嚡，我怀疑摆咗好耐咁。阿女叫左叉烧煎蛋饭，叉烧食落冇咩汁又系好干身，只蛋仲要全熟又系冇蛋汁。总括嚟讲，沥源街市$28烧味饭嘅质素好过佢。希望佢睇到我嘅留言，可以改善下啦，知烧味有阵时好彩数，咁啱斩定啲头头尾尾俾我就会好差，但可唔可以平均啲唔好全部都咁差呀。