十二味 (D2 Place TWO)

营业中

休息中

食过咁多间香锅，都系十二味𠮶香锅最够味最入味最惹味。今次𩠌嗌咗牛柏叶、牛脷、肥牛、莴苣、花菜。2个人都够食，因为好大碗。今次嗌咗中辣，辣度啱啱好，因为佢啲辣唔会抢咗香锅啲味，而且又够辣，唔会好似小辣咁，唔死口辣，但味道依然好香。仲可以加麻少油少盐，个人建议维持原味最好，上菜时一定要捞，咁啲味就均匀啲。另外，就紧系要食红糖糍粑。糍粑即叫即炸，上菜出晒烟，外面好脆身，内里好烟靭，口感非常好。黄豆粉甜度啱啱好，咬落仲有伙粒感，再点红糖酱一齐食，味道好丰富好好咬口。