栢檔極品海南雞飯

营业中

休息中

喺淘大睇完戏饿饿地，同友人嚟咗呢间餐厅试下先。一人套餐有五款主菜可以拣，跟餐有一碟蚝油生菜，包埋饮品或中汤，仲有一粒雪米糍做甜品，好抵食！另外仲可以拣白饭或者油饭。海南鸡啲骨去得好干净啖啖肉，肉质好嫩滑好有鸡味。酱汁有三种提供，点埋食更加惹味。猪头肉厚切爽口，边位烧得浓浓地好香口。是日中汤系萝卜猪骨汤，味道好清甜无味精够晒健康。另外仲点咗份麻辣凤爪小食，啲肉腌得好入味唔算太辣，另外仲去埋骨好贴心。青柠梳打系罐装另上，沙沙声好够气。