SO Coffee & Gin

营业中

休息中

二访呢间小店cafe，贪佢假日walk in到同埋食物都唔错。要求好简单，就系唔想等位同排队，不过可能因为我地咁啱时间唔洗等同埋佢地都开放book位嘅，下次book定就一定唔怕要等位。店内环境简洁干净，想打卡就可到楼上位置。但我嚟到就偏向系食嘢多于打卡。今次同第一次嚟一样点咗黑毛猪叉烧酱滑蛋黑麦包，黑麦包烘得好脆，叉烧酱系偏浓郁仲有啲煮过嘅洋葱。滑蛋都好滑仲带丁点蛋液，叉烧带肥肉但瘦肉part几juicy唔会柴，但如果叉烧有啲温度会开心啲。男朋友点咗冬荫功大虾意粉，虾有虎虾同冰鲜虾，整体都ok，但印象中上次系楼下坐堂食碟装嘅份量好似多啲。饮品点咗Coffee Tonic，最近唔可以饮咁多咖啡所以无得畅饮好可惜。但记得上次嘅味道，佢地嘅Coffee Tonic嘅柠檬味比我饮过嘅较出，但整体都接受到同埋会再encore的。