曾三仙米綫 (花園街)

营业中

休息中

平时都系去开旺角揾食比较多，好少喺太子发掘美食，今次同朋友行完花墟，就来到附近嘅曾三仙米线食午餐啦！原来曾三仙米线系大陆连锁店来嘅，全国分店超过1000间，而位于太子呢间就系香港嘅第一间！知道咗原来系咁出名嘅，即刻同朋友食返碗地道嘅川渝米线先～藤椒虾滑米线加卤鹌鹑蛋💰HK$67汤底辣度系小辣，藤椒汤底系比较清淡嘅一款辣，味道偏麻为主! 虾滑爽口弹牙，卤鹌鹑蛋卤得很入味～冒烤鸭米线💰HK$62汤底辣度系中辣，除咗辣味之外，仲多咗一份鸭肉嘅独特香气！烤鸭份量多，米线偏幼身，口感软滑Q弹，另外仲有海带丝同木耳丝增添口感～重庆现炸小酥肉💰HK$25小酥肉香脆得来肉质依然好柔软，点埋旁边嘅辣粉更惹味～糍粑油条💰HK$16外层嘅油条好酥脆，中间嘅糍粑口感好软糯，表面布满芝麻碎碎，用来做饭后甜品一流，食完超满足～百香茉莉茶💰跟餐+HK$9既有百香果嘅香甜味，又有茉莉茶阵阵嘅清香～冰糖山楂冻💰跟餐+HK$9饮落去似系山楂饼嘅味道，底层仲有山楂冻，酸酸甜甜好开胃～