牛扒先生 (已結業)

黎食LUNCH SEMI BUFFET座O系餐厅外面，虽然系商场入面，但有D焗。首先讲BUFFET 类，唔系太多种，整体质素都OK，有4,5种唔同沙律，鸭胸沙律最好食。汤系洋葱汤，好味，饮O左2碗。另外有冻虾，青口同蚬，3样都几新鲜，青口够大只，冻虾都几甜，蚬细只O左少少。野饮有利宾纳同果汁先生橙汁任饮，利宾纳超甜，饮O左少少放弃，橙汁正常。甜品有奶冻，奶味够浓，细细个易食，唔会好饱。除O左BUFFET外仲可以叫个主菜，有差唔多10款，牛都有几款，例如西冷同肉眼，叫O左大虾意粉同西冷牛扒。大虾意粉够大碟，配料都好呎够，个虾汁浓淡恰到好处。西冷牛扒食得出靓牛，叫O左6成熟真系差唔多，唔会过老或太生。配菜个炸薯角好脆好食。一人大约$200食到饱一饱，食物质素中上，可以再去，但下次会要求番坐餐厅入面。