牛扒先生 (已結業)

見過mr steak唔同分店好多次都未試過, 呢一日係朗豪坊分店就試左啦~比想像中好食, 可能因為之前D人都講到唔太好~沙津同麵包唔錯~幾好食.二人餐, 有個海鮮盤, D海鮮都OK, 唔會話好腥或者好臭, 都叫做唔錯既~蘑菇湯好好味龍蝦就一般般啦冇乜特別~d肉都有口感, 唔係霉既肉~牛扒比想像中好食, 都唔錯, 都叫幾有牛味既兜意粉雖然細兜D, 但係好好食甜品還可以吧~

一間位於朗豪坊既扒房，一餐每位超過$400既晚餐，送上黎既牛扒居然凍冰冰，雖有甜品。沙律提供。但都不知所謂。製作質素連花園餐廳都不如！牛扒又老又鞋，我可以食到每咬一口都要吐牛筋出黎。系每一口。五成熟都可以食到同花園餐廳牛扒一樣質素。難切難咬。價錢同質素真系正比？食花園都冇甘嬲。肉質系可以。但浪費左一塊好既牛肉。接受不到一個沒有任何性價比何言的餐廳。難怪一去到。只有小貓兩三台客。昐食尼間前的顧客請三思

今晚我們去咗旺角朗豪坊嘅「Mr.Steak牛扒先生」食晚飯！我們叫咗Buffet Dinner Set:炭烤美國特級黑安格斯穀飼肉眼牛扒非常薄身，而且我們要求係7成熟，但煎出嚟係9成熟，令到肉質比較「嚡」！澳洲特選穀飼T骨牛扒亦都係我們要7成熟，但呢塊煎出嚟係10成全熟，而且煎到有啲燶，令到味道比較苦澀同肉質相當「嚡」！諗唔到牛扒先生係以牛扒出名，但今日嘅出品同控制牛扒熟嘅程度，真係令我們覺得好失望！但可以幫到他們挽回啲啲分數嘅係鴨巴甸400日穀飼牛扒，呢塊就可以煎到7成熟，肉質非常軟滑腍身，肉味相當香濃！而自助沙律吧嘅所有出品都幾好，特別係蝦，肉質超鮮甜彈牙！煙三文魚蛋皮卷軟熟嘅蛋皮卷包著香滑嘅煙三文魚，真係幾好味！而甜品方面，喺眾多款甜品之中，本人最鍾意嘅係奶油卷蛋，因為味道唔會好甜同質感相當香滑軟熟！

完全不值3百多元一個晚餐。MK style 的service 。不值這個價錢。只像一間貴價的高級茶餐廳。set 原本是有甜品的，最後都冇嚟到，我們也懶得remind.餐廳位於L13,無論乘電梯或升降機。都要花上相當時間才到達。尤其在星期天！

第一次寫食評，平時儲埋咁多相，朋友都問我用黎做咩，我都唔知點答，諗諗下不如用黎寫下食評。就揀呢間對我黎講好有紀念性既餐廳啦~第二次黎呢到食，同同一個人黎，但關係就唔同咗，感覺好特別。環境唔錯既餐廳，價位屬中價，一人大概$250 (至少)，set dinner 佢有兩款餐牌，應該都會定期更新。一款有包沙律吧，另一款無，但就會有特別既頭盤可以揀。價錢相約，後者食物會多元化啲，我就揀咗款意大利飯。男朋友就揀咗T骨牛扒。由於我本身餐無包沙律吧但佢個沙律吧相當吸引（sorry 無相，但有啲螺絲粉沙律，薯仔沙律，芝麻八爪魚，鴨胸沙律， 重點係有青口同螺加上不同款的芝士）所以就好想食，但係如果餐唔包嘅話就要加＄168先可以食沙律吧然後仲有野飲同甜品（無錯係會同個餐double 左）。男朋友個餐有沙律吧但佢又話唔可以分食（well 其實我都有偷食小小，但waiter 會好盡責佢會望住所以其實都幾難share）。芝士包口感有趣，唔軟唔硬咁樣。我個餐嘅頭盤芝士酥皮田螺，田螺得四隻左右，本身佢冇乜味但加芝士同酥皮成件事夾埋幾OK沙律吧嘅食物全部都係揀咗三律師，唔好意思影得有啲樣衰，因為好想快啲食！味道一流~

今晚我們去咗旺角朗豪坊嘅「Mr. Steak牛扒先生」食晚飯！我們叫咗Buffet Dinner Set：卡邦拿有機意大利麵配溫泉蛋、德國鹹豬手配自家製酸卷心菜同蘋果木薰三文魚柳伴芝士焗海鮮盅！由於係半自助式，所以湯、麵包、沙律、海鮮同甜品係自助任取，款式種類都幾多！湯就祇得一款：椰菜花忌廉湯好香滑濃郁！沙律菜相當新鮮清甜！日式凍豆腐非常嫩滑，配埋日式燒汁，真係好惹味！海鮮：蝦好大隻，肉質非常新鮮同爽甜彈牙！卡邦拿有機意大利麵配溫泉蛋嘅麵質好煙韌彈牙，溫泉蛋嘅蛋味好香濃！德國鹹豬手配自家製酸卷心菜嘅豬手外皮好香脆，肉質相當軟滑鬆化，肉味亦好香濃！蘋果木薰三文魚柳伴芝士焗海鮮盅嘅三文魚肉質非常鮮嫩滑溜，海鮮盅入面都係三文魚，芝士嘅味道好香濃！

冇質素可講，叫了個All Day Breakfast!!! 黎到後見到碟上係有齊黃豆。2粒tomato . 半條腸仔，一bacon . 幾粒菇，一小塊薯餅同蛋！但佢地求奇將所有野放係一個碟上就叫All Day Breakfast !! No declarations! $108 呢個價係尖沙咀都可以食得很好既英式早餐！ 極度不滿意呢個餐，做得冇誠意！

今次叫左2個不同晚餐，但整體係失望麻麻地，牛扒5成熟但好難咬，三百蚊吾值。蜆意粉係純粹用水煮就連炒都冇炒過，冇味。佢有包任食自助沙律吧，選擇不算多，最好係有凍蝦食。田螺凍同田螺味有怪味麻麻，牛奶布甸香同濃好味道

買左戲飛又未夠鐘, 咁就食個晚餐先!喺朗豪坊頂樓搵野咬, 最後決定試下呢間Mr. Steak兩個人, 經門口既receptionist向我介紹下, 我地各自揀左個Buffet set, 1) 匈牙利燴牛肉寬麵 $198+ 2) 肉眼牛扒 $328前菜:由於自助形式, 出去Salad bar 自取, 野食可選擇既數量都算係咁!見圖:主菜:肉眼牛扒:7成熟, 成左成塊都無落汁, 牛肉味夠, 唔覺韌, 口感都幾好!點戒辣食入口唔錯!匈牙利燴牛肉寬麵:唔知係咪個配撘特色, 有啲似肉醬, 但係味道偏淡, 感覺唔係好夠味!甜品:都有好多選擇, 我每款都食左, 好滿足!其中包括有窩夫, 窩夫需向服務員Order,其後自己落返自己喜歡既醬(朱古力/士多啤梨..)好食!總結:好啦! 坐左個半鐘, 都食到飽飽了, 很滿足的一餐!呢餐又可自己無限量去salad bar攞野食, 唔錯唔錯!味道都幾好!服務員態度很好! 很有水準! 比個like!環境唔錯, 每張枱都有一定距離, 唔怕坐得迫!環境擺設都幾靚!下次會再幫襯, 試下幾他菜色!

上星期約左兩個外國朋友去旺角，所以我地就去左朗豪坊嘅Mr Steak,原本稔住食buffet,點知服務員話要去銅鑼灣分店先有，所以唯有散叫，我地叫做碟西班牙炒飯，D海鲜尚算可以，但D飯就好硬;之後叫左份扒，medium，但黎左份全熟，服務員就幫我地換過，但都無曬mood,下次都唔敢再黎

朗豪坊頂層新開了不少餐廳,仍能存活的舊餐廳所餘無幾。很久以前吃過一次的Mr. Steak還在,決定重遊舊地。看看餐牌，吃法不同了。除了set同散叫,還有semi buffet。這次我們選擇semi buffet~選擇不算少，而且新鮮，refill頗快主菜來了~先試帶子~帶子比想像中的大，但不夠彈牙... 幸好鱈魚夠滑，彌補帶子過熟的不足牛扒令人失望...又薄又没牛肉味...但未至於難吃...

逢星期六晚我都會同男朋友都會出街食飯,因為最近工作壓力大要靠食野發洩一下,一定要食番餐勁既~~~男朋友就提議去食朗豪坊既steak café,順便可以浪漫一下,當日星期六晚 唔洗book位,好快比安排入座了我打開個menu睇,Menu有好多野選擇小食、主菜、 dessert等同埋多款紅酒、酒精飲品 及無酒精飲品等太多野想試,左諗右諗之下,最後叫了個4樣野 ,小食有鴨胸配沙津, 作為開胃的前菜,鴨胸好大塊,沙律菜都好食,主菜有意式忌廉海鮮配蟹肉意大利飯,青口和扇貝超新鮮，用料有隻大蟹腳, 意式飯來說,我覺得唔好太硬身,唔錯~白汁蜆肉意粉,香味十足, 而且蜆肉粒份量頗多，個汁唔錯同埋賣相唔錯呀我要食埋個朱古力甜品先夠飽,口感上有d硬,但都唔錯~整體個環境幾好,同埋食物質素同味道比想像中好佢地既服務態度,我地都好滿意,價錢同fine dining 差唔多,唔算太貴,可以接受唯一不足是比較噪,聽到隔離d人傾計啦 有點嘈又未去到openrice d 人打d食評甘差既下次都要再黎浪漫一下

為了方便及就腳、今晚第一次去到旺角郞豪坊的Mr. Steak 食晚飯，入座後待應推薦我們選擇食半自助晚餐，頭盤、餐湯及甜品自助形式、主菜提供不同選擇、價格亦因應不同的主菜收費！餐廳設計沒有特別之處。擺放自助餐的地方也只是吧台及兩張枱而已！選擇亦唔多、有幾款沙律菜、海鮮有蝦同青口、粟米湯、麵包、甜品等等！但是質量就只是一般、味道更是極普通。食了小量頭盤就已經放棄了！唯有寄望主菜了！自己挑選了燒春雞配鵝肝醬，雖然賣相比較本地化、幸好還是熱的。雞肉入口比較嚡口、乾身及冇味道。鵝肝醬亦然！甜品看了一圈就放棄了，餐飲原先想要Earl Grey 茶、但就要另加18元先可以改為twinning Earl Grey 茶包、最終也放棄了！營運餐廳最重要是用心經營、不管是高價或平價食材都應該可以烹調出美味菜式。餐廳處於旺區、用餐時段用餐人數唔多、可能食物及出品極之普通、勝價比唔高之原因！

朋友買左一張團購COUPON,星期六去左,3點左右都冇咩人的,仕應安排坐在外面,我在看入面還有位置,點解要坐出面呢,朋友話入面應該是留給那些唔係食團購的客人. 坐下後俾了COUPON仕應,問我們飲甚麼,然後就收取我們的10%服務費,可能坐出面的原因吧.等左一陣先送上兩杯凍咖啡,份量不算大杯,我怕苦叫朋友幫我落多少少糖水,後尾佢話落得太多好甜. 坐在外面的全是食HIGH TEA SET的客人. 一份份的送上. 我們的一SET也來了.賣相都好精緻及吸引的,仕應叫我們盡快食用那杯牛奶布甸,因怕會溶. 我們忙住拍照一輪後,就開始食那杯牛奶布甸,是北海道牛奶呀,好香及好滑,好好味呀.之後由咸點開始,有兩件迷你漢堡包,一件係牛肉,另一件係鵝肝,我們每人一半,牛肉都幾香,OK的,鵝肝有少少蘋果蓉,都酥的,還有蕃茄及生菜. 還有一個薯蓉,一般啦,唔夠熱.第二層係一件蝦多士,一杯沙律,然後係PAMA HAM拌哈蜜瓜, PAMA HAM有點不新鮮的感覺. 其它的都是一般,冇咩特別.第三層係兩件TART,芒果朱古力及士多啤梨,芒果朱古力已經開始溶化了. 味道OK,芒果太熟. 士多啤梨好味,好甜.大家的感覺係

黎食LUNCH SEMI BUFFET座O係餐廳外面，雖然係商場入面，但有D焗。首先講BUFFET 類，唔係太多種，整體質素都OK，有4,5種唔同沙律，鴨胸沙律最好食。湯係洋蔥湯，好味，飲O左2碗。另外有凍蝦，青口同蜆，3樣都幾新鮮，青口夠大隻，凍蝦都幾甜，蜆細隻O左少少。野飲有利賓納同果汁先生橙汁任飲，利賓納超甜，飲O左少少放棄，橙汁正常。甜品有奶凍，奶味夠濃，細細個易食，唔會好飽。除O左BUFFET外仲可以叫個主菜，有差唔多10款，牛都有幾款，例如西冷同肉眼，叫O左大蝦意粉同西冷牛扒。大蝦意粉夠大碟，配料都好呎夠，個蝦汁濃淡恰到好處。西冷牛扒食得出靚牛，叫O左6成熟真係差唔多，唔會過老或太生。配菜個炸薯角好脆好食。一人大約$200食到飽一飽，食物質素中上，可以再去，但下次會要求番坐餐廳入面。