睿海御宴 (已結業)

又系喺附近做嘢，做到食晚饭时间，见到对面招牌「睿海御宴」好似新开，就决定来医肚。一楼楼上店，环境舒适。我钟意食香口野，即件即点脆皮卤水五层肉，皮脆肉嫩的烧肉，口感极好，再加上猪肉曾经卤水腌过，多咗一种咸香，要来送酒或送饭都非常好。另一款惹味高级煲仔菜，孜然鲍鱼鸡煲，热腾腾非常有镬气，上枱面前再炒一炒，香气冒出，鲜鲍鱼煎香好食好多，加埋孜然，更加带出鲍鱼的味道。炒咗碟菜，瑶柱扒豆苗味道丰富，瑶柱汁非常好味。