The 5B Private Corner

营业中

休息中

今日个fd生日决定嚟呢度庆祝，餐厅环境好舒服，好啱长坐倾偈，又有board game挽！可能今日平日比较少人，环境比较清静。餐厅系QR code落单，有单点同套餐我哋叫左两个套餐，同一个单点意粉第一个套餐—意大利黑松露杂菌意粉，包括法包、餐汤、芝士蛋糕同一杯饮品，原先冇太大期望，嚟到嘅时候见到意粉超多，CP值好高，味道方面都好食，忌廉浓厚，意粉软硬适中，充满松露味，亦都有好多嘅杂菌菇第二个套餐—蒜香柠檬蓝青口意粉配沙律，意粉落咗好多橄榄油，偏硬身，青口感觉偏咸，比起黑松露意粉味道普通第三道单点—柑橘慢煮鸭胸肉焗西兰花薯饼，鸭胸肉嫩口，配搭柑橘酱，有另一番风味，整体的层次感大大提升，都推荐呢碟菜店主同店员好热心,会主动帮我哋影生日相同播生日歌。亦可以要求喺碟上面写生日快乐。而且咁啱今日有布置生日装饰 可以影相。整体嚟讲朋友生日同聚餐，呢间餐厅系一个唔错嘅选择！ 临走比咗张优惠券我哋，系lunch hour去有discount。 但就未必用到。