巴辣仔烤魚

营业中

休息中

疫情前返深圳嘅时候有食过烤鱼 但到而家呢已经好一段时间冇食啦 𠮶日经过西环见到开咗烤鱼舖 就决定约朋友去试一试😋Menu上面有各式各样重口味嘅菜式 一次过满足哂我重口味既胃口！😆首先主打一定系条鱼 我地叫左沙巴龙趸 果然如佢menu所写 肉质紧实弹滑 而味道我地拣左经典香辣烤鱼 热辣辣既时候食都几辣 另外条鱼冇跟任何配菜 如果想食就要另外加~ 我地就加左红薯粉~小食方面我地叫左鸡软骨、烧茄子同埋卜卜蚬😆 全部都好味同好食😋 饮品方面我地叫左鲜果茶同埋西柚茶 有惊喜地两杯都有满满既鲜果 而且卖相几靓😆 不过朋友就话鲜果个杯几甜 如果有兴趣饮既就问下佢有冇得少甜啦！最后餐厅有自助甜品 个日就有冰粉同红豆沙同菊花茶 冇理解错应该系免费既 因为饱得济我地净系饮左菊花茶🤣 菊花茶好淡味 建议叫生果茶饮😎 不过见到冰粉有好多配料 好似几正😙如果大家想食鱼或者重口味既一餐不妨一试😎