影片
更多
2019-04-07
115 浏览
朋友推介呢間意菜,黎左太古好多次都無咩留意到佢既存在,一睇原來仲拎左米芝蓮 就決定試下啦!睇左一陣侍應就問你飲咩~我地就簡左Sparkling Water，個人覺得呢個牌子好飲過Perrier好多，比較順滑。餐前麵包不得不提,送過黎果陣仲熱既 睇落好乾但食落中間係軟軟地 仲可以任fill，附送左牛油但忘記影但我地怕叫太多野好飽淨係食多一round咋. Prosciutto and Formaggi 四種意大利芝士配風乾火腿薄餅開頭唔知係咪太肚餓，等既時間係有少少耐，後尾D菜都好緊接就黎晒。呢個pizza好好味，個底厚薄剛剛好 而味道係同一開始送既麵包係一模一樣，口感鬆軟外脆，風乾腿唔會好咸又夠突出，芝士味香濃，必食推介👍意粉都有好多選擇，簡左好耐最後簡左蕃茄龍蝦寬意粉。意粉好夠味，龍蝦同粉既份量唔多﹐精緻好味，美中不足係個粉仲係硬硬地 煮耐少少會好好多。M5 Wagyu Sirloin Steak 250g炭燒澳洲M5和牛西冷扒全晚最期待既菜，賣相唔算討好。伴菜有薯蓉、蘆筍、菇、黃瓜，薯蓉係超好味，充滿濃濃奶香。主角牛扒叫左5成熟 上台大約都6成 依然好林,充滿牛脂香,忍唔住一口接一口
朋友推介呢間意菜,黎左太古好多次都無咩留意到佢既存在,一睇原來仲拎左米芝蓮 就決定試下啦!
睇左一陣侍應就問你飲咩~我地就簡左Sparkling Water，個人覺得呢個牌子好飲過Perrier好多，比較順滑。
餐前麵包不得不提,送過黎果陣仲熱既 睇落好乾但食落中間係軟軟地 仲可以任fill，附送左牛油但忘記影但我地怕叫太多野好飽淨係食多一round咋.
Prosciutto and Formaggi 四種意大利芝士配風乾火腿薄餅
開頭唔知係咪太肚餓，等既時間係有少少耐，後尾D菜都好緊接就黎晒。呢個pizza好好味，個底厚薄剛剛好 而味道係同一開始送既麵包係一模一樣，口感鬆軟外脆，風乾腿唔會好咸又夠突出，芝士味香濃，必食推介👍意粉都有好多選擇，簡左好耐最後簡左蕃茄龍蝦寬意粉。
意粉好夠味，龍蝦同粉既份量唔多﹐精緻好味，美中不足係個粉仲係硬硬地 煮耐少少會好好多。
M5 Wagyu Sirloin Steak 250g炭燒澳洲M5和牛西冷扒
全晚最期待既菜，賣相唔算討好。伴菜有薯蓉、蘆筍、菇、黃瓜，薯蓉係超好味，充滿濃濃奶香。主角牛扒叫左5成熟 上台大約都6成 依然好林,充滿牛脂香,忍唔住一口接一口!
Warm Chocolate Pudding流心朱古力蛋糕配海鹽焦糖雪糕
食到咁上下當然要叫番個甜品，佢朱古力心太軟唔係甜果種，似係用50%濃度去整 食落夠濃又唔甜，再試一淡配埋雪糕，一凍一熱好正，甜度中和晒 開正我口味呀!旁邊有D朱古力餅碎做裝飾，味道就不過不失啦~以好味既甜品做呢餐既終結。
张贴
