Kachimushi

营业中

休息中

长时间留喺屋企抗疫，今日终于忍唔住同朋友去咗呢间位于元朗锦田非常偏僻嘅靓靓Cafe唞吓气。喺锦田邮政局落行过对面马路就见到，不过路痴嘅我仍然都系左行右行揾咗一阵路😅餐厅外观纯白色为主，俾人感觉简洁舒服，入到去里面装修系较为日式简约风，最尽头有一个小花园，俾人感觉都好清幽。睇一睇个菜单先～我同朋友叫咗黑松露蟹肉沾酱配吐司、牛肉吐司、无花果班戟、Dirty同马骝搣铁观音。餐厅上菜嘅次序都好似有啲心思，首先上嘅系嘢饮俾你润一润喉。跟住就去到类似前菜嘅黑松露蟹肉吐司，法包烘到热热地，黑松露味几出，蟹肉比得都几大方，好好味！！跟住就嚟到较似主菜嘅牛肉吐司，牛肉配芝士再配焦糖洋葱同火箭菜，四样嘢都好合拍，牛肉软淋唔韧，好味！最后，就系甜品无花果班戟，外热中冷，冰火交融，同样好味😋下次有机会应该会试另一种口味。