Kaleido Coffee (已結業)

今晚同朋友嚟咗屯门呢间kaleido coffee叹手冲咖啡同食轻食，已经系第三次返到呢间Cafe，环境简洁以白色为主，俾人好舒服惬意嘅感觉。之所以会多次返嚟，无非系因为佢嘅咖啡真系好香，令人回味无穷。记得第一次饮佢呢度嘅latte，就觉得佢个咖啡香味系比出面嘅咖啡更加香，有认真做咖啡嘅感觉。今次就是佢嘅手冲，拣咗Costa rica同Honduras，小食方面就再次拣返佢嘅芝士火腿牛角包同鸡蘑菇批。自问都唔系话真系好识饮咖啡，但佢嘅Costa rica饮得出佢嘅咖啡酸味，而Honduras 就比较饮得出佢嘅苦味。两只饮完之后，𠮶股浓浓嘅咖啡味都围绕着口腔里面不散，正！虽然位置唔系话太方便，但相信都会再嚟第四次。