Kaleido Coffee (已結業)

今晚同朋友嚟到元朗呢间Cafe食个early dinner，其实之前已经嚟过一次，对佢嘅咖啡同牛角包都念念不忘，所以即使住得唔近，都山长水远特登再入嚟食。呢度环境都系行简约风，所有嘢以白色为主，俾人一种好舒服嘅感觉，正中我下怀，咁啱坐喺舖头嘅角落头，抬头一望仲有只白色嘅马骝拎住盏灯泡，几有趣。嘢食嘢饮选择唔算特别多，但麻雀虽小五藏俱全，想食嘅都有，而且有质素保证。我朋友叫咗Apple Americano同鸡蘑菇批，而我就叫咗抹茶latte同芝士火腿牛角包。Apple Americano除咗有咖啡之外，仲有清新嘅水果香，顺口好饮。冻抹茶latte都好饮，但我比较钟意上次黎饮嘅普通冻latte。芝士火腿牛角包同上次味道一样，牛角包仍然都系好香脆，芝士同火腿堪称不败嘅经典。鸡蘑菇批皮脆，有牛油香。整体而言令人非常满意，系会想再encore嘅Cafe！