光榮冰室 (厚福街) (已結業)

今日遇啱时间响尖沙咀有机会买个葱油鸡扒饭食，果然系超级正！买完番到港岛东个饭虽然已经唔系热辣辣，但仍然好好味，相信如果热食应该系更更好味！厚厚嘅鸡扒味道腌得刚好，煎完仲保持有肉汁同嫩滑，葱油香又唔系死咸，超好送饭，扒下一啖又一啖⋯⋯搞到我比平时食多咗好多饭啰，真系好可恶😂😂。另外仲买埋鸡中翼做下午茶，但系午餐未食完已经忍唔住食咗一只试味，比较之下觉得个鸡扒正啲因为啲鸡翼今日稍为过咗啲火，炸得干身咗啲啲。除咗好味，啲侍应好有礼貌同耐性响百忙中帮啲搞唔掂个安心出行嘅堂食食客去scan。