J.moon

朋友带咗我去呢间位于旺角百宝利商业中心J moon 餐厅食晚饭，咁chill 嘅餐厅，非常有惊喜。食物和酒水款式都有好多，最特别有12星座cocktail，一定拣到自己嘅饮品。咖喱牛舌咖哩味十分香浓，加上焗制再多左一阵香气。牛舌属于厚肉又淋嘅口感，口味似牛脷嘅食法多啲，并唔系日式牛舌个种爽口弹牙。好食！金蚝辣肉肠Pasta蚝本身味好浓烈，个种味道似晒过嘅金蚝多过普通蚝肉，所以味道层次都会多好多，蚝嘅甜味配合辣肉肠嘅咸辣同埋番茄嘅酸甜，组合咗一个好特别嘅组合。炸鱿鱼圈配香蕉蛋黄酱炸鱿鱼圈好新鲜，炸嘅技巧控制得宜，基本上都会好食。但香蕉蛋黄酱真系够新鲜，蛋黄酱香滑之余，渗出淡淡香蕉嘅香甜，真系好好食。J Moon自家制Pizza呢个pizza 会形容为传统上创新嘅味道，基本上系一个传统正宗嘅莎乐美肠嘅pizza, 但佢加入左温泉蛋，蛋汁混合后，令到每啖都更加香滑同埋满足感。